ضوء القمر
منتدى ضوء القمر يرحب بكم

ضوء القمر


 
الرئيسية  مكتبة الصور  بحـث  التسجيل  دخول  
الحمد لله رب العالمين والصلاة والسلام على رسول الله محمد صلى الله تعالى عليه وسلم وبعد فيسرني لقائكم من جديد لقاء كلقاء الاحبة بعد الفراق لقاء عددت دقائقه وساعاته اخوتي اخواتي احببت فيكم اخلاصكم وتواصلكم في بيتكم الثاني هذا ارجو من الجميع التواصل والمشاركه بشكل فعلي لكي نرتقي بالمنتدى الى القمم وان شاء سوف اسعى لتطوير المنتدى باحسن الاشكال ومن الله التوفيق لاتنسوني من خالص دعائكم اخوكم أبن بغداد الرشيد

شاطر | 
 

 مصطلحات عراقية نستخدمها- حاول تجمع كلماتك وتضيفها

اذهب الى الأسفل 
كاتب الموضوعرسالة
دمعة شوق
قمرذهبي
قمرذهبي
avatar

انثى
عدد الرسائل : 2758
العمر : 38
العمل/الترفيه : عطاله بطاله اسوى الولد وجعابه
المزاج : يروحلي فدوه مزاجي هعهعهعهعهعهع
السٌّمعَة : 1
تاريخ التسجيل : 16/09/2008

مُساهمةموضوع: مصطلحات عراقية نستخدمها- حاول تجمع كلماتك وتضيفها   الثلاثاء نوفمبر 04, 2008 6:16 pm

اشطح أذهب
طرن: الشخص الغبي
زعطوط: الذي يتصرف كالأطفال و هو كبير السن
دثو: الشخص التعبان و الكسلان في عمله
ططووو : الذي تغلب على تصرفاته حالة التطوطو
سليمه التكرفك: و تعني مصيبة تأخذك
عمه بعينك : دعاء معناه (أعمى الله عينيك)
شحاطه: اي الشبشب و سمي بهذا الاسم لكثرة شحطه بالارض
جمجه: ملعقه كبيرة
دفره: اي ركلة بالقدم (جلاق) هههههه
اغاتي : مولاي او سيّدي
تاج راسي: تاج رأسي و تقال للشخص الغالي العزيز
شلولو: الفتاة كثيرة الحركة
دوشك: و هو فراش قطني او اسنفجي يوضع فوق السرير
لنكه: أي الملابس المستعملة غير الجديدة
ماصوله: المزمار و يستعملها الأطفال للعزف (يموصلون بيها)
قندرجي: و هو مصلح القنادر (الاحذية)
الركّاع :نفس معنى كلمة قندرجي
وخر بروح اهلك: التمس منك بحق روح والديك الذهاب بعيدا
جفجير: ملعقة كبيرة جدا تستخدم لتفريغ الرز من القدر
زقنبوت :كلمة تقال للشخص بعد ان يتتريع ههههه
بلوعه: بالوعة, و هي فتحة المجاري (اجلكم الله)
دماغ سز: اي ليس لديك دماغ
لوكي: وهو الشخص المتملّق, يغلب وجوده في الكليات
لوتي :و هو الشخص الذي يصعب خداعه
لواته: عمليات نصب و احتيال و غش
مطيرجي: الرجل الذي يحب تربية الطيور و يستمتع بتطييرهم
ابو الدروب :هههه تقال للشخص الذي يحاول الألتفاف في الكلام
خاشوكه: ملعقة
دعبله: خرزة , اي الشئ الكروي الصغير (المدعبل)
جر: اي اسحب نفسك بعيدا عني
عطل: تقال للشخص الذي ليس لديه شغل ولا عمل
حديقه :نفس معنى كلمة عطل (الشخص الذي ليس لديه شغل ولا عمل سوى ترتيب الحدائق و سقيها )
اطفر :أقفز بعيدا عنّي
اشلع: أذهب بسرعة
ولى: أذهب من هنا
مرغلنى : اي اتعبني كثيرا
مال الثول : تقال للشخص عندما يتصرف تصرفا اثولا
يا طايح الحظ : مسبّة (شتيمه)
غلس : تصرف و كأنك لم تهتم لتلك الحالة
معفن: أصابه العفن
اكرع: أصلع
صدقه: اي قربان
مصخم ملطم: شتيمة (اصابك الدخان الاسود في وجهك و تم لطمك لطما شديدا)
بومة الخرايب: شتيمة (البومه التي تسكن في البيوت المهدمة)
مال الهبري: اي ان تلك الحكاية هيه من حكايات الهبري (الأفلاس)
فطير وماله: قلب الشخص طيب القلب
اثول: مطفي الشخص الغبي و الذي لا يريد ان يتعلّم
بايع ومخلص: الذي لا يهمه شئ و لا يستحي من احد
بايع فرارات: بخبز يابس الذي يستطيع ترجمتها يدزلي ايميل و له جائزة
بياع حجي: الشخص الذي يعطي وعود كاذبة (مثل اغلب المسؤلين الحليين والسابقين)
رجل الجرادة : اي ساق حشرة الجرادة
جاملوخ : هو غطاء أطارات السيارة (غالب ما يكون مدكدك)
جكمجه : مكان حفظ الحاجيات في السيارة (كدام الكشن اليم السايق)
سبانه: اداة لفتح و ضب النتات (الصمونات) و البراغي
اويييييييييييييي : بكسر الواو , تستعملها النساء و بعض من يتشبه بهم للتعبير عن الدهشه
عمى ابعينك: دعاء على الشخص بان يصاب بالعمى
احبج: اي احبك , اي لف يو
برايم شفت: كلمة انكليزية معناها درياف شفت.تحوير عراقي حت بهذه
رمشلي: اي اجعل هاتفي يرن رنه واحده (miss call)
عزا عزاء: , و موت
لاتلح : لا تصر في الموضوع
طربكه : معناها دوشة و صخب (مأخوذة من حركة الخيل , طربك طربك طربك .... )
طاك: اي منفجر و تقال للشخص الغني او الشئ الجيد
سوده عليه: تقال في حالة القهر على شخص ما
صخام براسي : كلمة استياء من شئ غير جيد
ام الكمل: شتيمة (أم القمل) الفتاة التي يوجد قمل في شعرها
خبل : مجنون
فيترجي: مصلح سيارات ( او مولدات في الوقت الحاضر)
عبوة ناسفة: توضع بدل الأشجار على الطريق
مفخخة سيارة : مشابهه لهدايا سنفور ضحوك
هيلك الشخص: الغير نضامي (غير مرتب)
بكلايت: باك لايت كلمة انكليزية محورة عراقيا كالعادة.
عاب هالخشة: شتمية بمعنى عيب في وجهك وخشمك كبير ايضا.
سميجية: طابوقة بناء
بامية: تقال لكثير الكذب الذي ينفخ كثيرا بمايقول ويبالغ.
حواسم : اي حرامي و سارق (نسبة الى معركة الحواسم)
خلي يولن: مالتنا هذني اي اترك هذه الحيل , فنحن من ابتدعها

لوكي: وهو الشخص المتملّق, يغلب وجوده في الكليات
يا مكثرهم بالفضائيات .
ام الكمل: شتيمة (أم القمل) الفتاة التي يوجد قمل في شعرها
ام/ ابو الكمل: شتيمة (أم القمل) الفتاة التي يوجد قمل في شعرها ( ابو الكمل) الرجل الذي يحتوي شعره على بعثية..!!!
ططوو : جاية من القط وهي طريقة اقتناص القط للفرص عند الصيد ... غدار والله غدار.

ملبوس: من تم تركه ينبح كالكلاب ( مثلا العرب النابحين على موت الفطيس صدام)
راس كوك: اشارة الى الصناعة الغير متينة ( اساس الكلمة هي ماركة ساعة يد روسية اسمها روسكوف كان يستوردها العراق من قلة الخبرة بالتجارة والساعة عمرها قصير...الكلمة تم تحويرها عراقيا كالعادة)
دشبول: لوحة قياس السرعة بالسيارة اصل الكلمة انكليزي داشبورد... تم التحوير عراقيا..
قبغ: اشارة الى غطاء العلبة.
عنجة: مسمى لسيارة مارسيدس القديمة ولاتسألوني ليش اسمها عراقيا بهالصورة في موروثة من الاجداد.
اقجم: تسمية لسيارة لوري .. سبب التسمية اسألوا غيري عنه.
ابو ردين: تسمية لسيارة لوري ... سبب التسمية علمه عند ربي.
ال بي: تسمية لسيارة لوري مارسيدس سبب التسمية مجهول.. واعتقد اصله تسمية لبنانية فالجماعة يقولون البي بدل قلبي لان عندهم نقص لفظ الحروف .. وخصوصا حرف القاف لان ابوه ابن كلب.
جرباية: تسمية لسرير النوم.. اصل الكلمة فارسي.
بزون: تسمية للقطط .. في لبنان تسمى بسينة وفي سوريا بسة وفي الكويت كطو وفي الاردن ...فلسطيني...

صجيجة بعرج اذنك: اللي يعرف رجاءا يكول

دبانة او دبانصطري: قطعة من الجلد توضع داخل الحذاء لتصغير القياس

بينباغ: يعني رباط عنق (اني استعملها شخصيا)

برجم: يعني كذلة

بومة البين: مسبة

خفت هل الجهرة وبلت: هم مسبة يعني اختفى هذا الوجه وبليت بالمصائب (ياعيني على الترجمة النحوي.. اخبل)

عابت هل شكولات: انظر للسطر الاعلى

يطير فيالة: تقال للشخص الذي يبالغ كثيرا بكلامه

ابو اليبب: تقال بين الاصدقاء للاصدقاء مثل يعني ابو الشباب من هيج شي بس بين الشباب مو الشابات

حقنة: يعني ابرة وتقال للشخص المعقد نفسيا والنحس

كبر لفك: اي قبر الذي لمك

ماشة: يعني قراصة يعني هاي اللي تشيل الشعر هيج فد شي معدني اسود صغير مرات ينظفون الاذن بيه ايام زمان قبل مايخترعون القطن

سفرطاس: وعاء يحطون بيه الاكل وياخذوه بالسفرات

نغصة: تشبه كلمة حقنة تقال للشخص الثقيل على القلب والمعدة يعني باللبناني مش مهضوم ياخيو

دنبلاية: يعني حبة تطلع بالوجه واحلى شي من تطلع بنص الخشم

غيرة سز: يعني واحد ماعنده غيرة

حياسز: يعني واحد ماعنده حياء ولا خجل

مجعمر: يعني تقاطيع وجهه كلش مخربطة وخشنة

كونية: كيس كبير جدا يحطون بيه تمن وغير اشياء

درنفيس: يعني مفك براغي

دنبك: يعني الطبل

قريولة: يعني سرير

كنتور واذا تريد تصير خشن كول قنطور: يعني دولاب الملابس

سكملي: يعني كرسي

عكركة: يعني ضفدع وايضا تقال لسيارة الفولس واكن اللي محركها بالامام لأنها تشبه الضفدع

ابو بريص: فد مخلوق زاحف يلعب ستين نفس يلزك بالحايط وياكل الحشرات يشبه التمساح بس على اصغر فد الف مرة

جعب بطل: يعني نظارات ذات عدسات سميكة تشبه قاع الانبوبة الزجاجية

مناظر: يعني نظارات سواء شمسية او طبية ترة مو يعني مناظر طبيعية
مجعوص: يعني مجعوص بالله هاي شلون اترجمها.....النجدة

الأوادم : جمع آدمي بلهجة اهل الريف في العراق
أفتدي : الشخص الذي يردتي البطلون والجاكيت
أريحي : الشخص المحب للنكتة
اروحلج فدوة : وللمذكر أروحلك فدوة : تعني فداك الروح
أشييج : وللمذكر أشبيك وتعني ماذا بك
أشلونج : وللمذكر أشلونك : وتعني كيف الحال
أش دا تسوي : ماذا تعمل
أهوايه : الشيء الكثير
أبو الحصين. (الثعلب)
أبو سرحان.(الذئب)
أبو خميس.(الأسد)
أم سبعة وسبعين : سميت هكذا على عدد الأرجل التي في جسمها
حرف الباء
براحتك : كيف ما تريد
بعد روحي : وهذه الكلمة تشتهر بها اهالي النجف وكذالك يقولون بعد أرويحتي وتعني ياعدل روحي
باچر: تعني غداً
بنچرچي : وتعني العامل الذي يصلح عجلات السيارة
بعد عيني. ياعدل عيني
بزاز: بائع القماش أو يقال ايضاً القماش
بلشة : ورطة
باوعيلي : أنظرلي
باوع لهنا :أنظر الى هنا
بابوج , الكلاش : نعال جلد
حرف التاء
تعبان : من التعب
تايه : يعني ضائع
تمن : الرز
تريد : ترغب
تشريب : اكله جنوبية
تروح :تذهب
تمشي : تأتي
توثية .عصا غليظة تتخذ من شجرة التوت
تگدر : تسنطيع
حرف الثاء
ثلاجه :تعني البراد
ثنية : تعني مقدمة البيت عند باب البيت
حرف الجيم
چلبت :تعني البقاء
چرچف : القماش الذي يوضع على الأسره
چف : قبظة اليد
‍چف‍چير : هي احدى ادوات المطبخ العراقي واحياناً يستخدم للضرب
جيب.أصل الكلمة فعل آمرمن جاء يجئ : تعني اعطني
جايجي : بائع الشاي
جام: الزجاج والأقداح
چمالة. جزء صغير زيادة
حرف الحاء
حرامي : السارق
حلاوة : تعني الشيء الحلو الطعم
حيال : المخادل
حمامچي : صاحب الحمام
حمال : العامل الذي يحمل الأشياء بالأجرة
حرف الخاء
خوش :وتعني جيد أو طيب
خلي :دع أو أترك
خشم : يعني أنف
حرف السين
سيان : الطين الأسود
حرف الشين
شربت : العصير
شقندحي : الشخص المحب للنكتة
شمدريني : لااعلم
شمعرفني : لااعرف شيء
شاكو : ماذا جرى
شصار : ماذا حدث
شبيك : ماذا بك
حرف الصاد
صرماية : الذخيرة
صوچ : تعني الذنب
صوبة : مدفئة نفطية
صاية : وهي احدى لباس الرجل في جنوب العراق
حرف الطاء
طابو‍گه : الحجر الذي يستخدم في البناء
طلي. الخروف
طرگاعه : المصيبة
طابو. بناية العقارات
طرشي : الخضروات المخلله
حرف القاف
ق‍مچي : تستعمل لضرب الخيول والحيوانات
قبانچی : الشخص الذي يوزن البضاعة
قلمچي : تاجر التبغ
قندرچي : الشخص الذي يصنع الأحذية
قصر : البيت الكبير
حرف العين
عرقچين : وهي تلبس من قبل الرجال تحت اليشماخ والغترة
عزه : تعني العزاء
عالكيف. حسب المرام
على شنو : على ماذا
حرف الكاف
كافي : من الأكتفاء
كلشي : أي شيء
كرش : البطن الكبيرة
كيمية. أي يدر أرباح
كليچة:نوع من انواع الكيك
كلاوجي :يعني يضحك على الناس ويخدعهم
كرايب: أي الأقرباء
گولچي : حارس المرمى
گشمش : أي الزبيب الجاف
گاع :الأرض
حرف اللام
لوتي : أي مخادع
ليش : لماذا
ليوين : الى أين
حرف الميم
ما ادري : لااعلم
مغازچي : بائع الكراسي والمناضد المرايا واللوازم المنزلية
ما اريد : لا ارغب
حرف النون
نزل : مستأجري قسم من البيت مع اصحاب الدار
نونة :دائرة صغيرة سوداء ترسم بين الحاجبين
حرف الهاء
هوسه : ضجيج
هسه : حالاً
هيج : هكذا
حرف الواو
واشي : النمام
وينج :أو وينك : اين انت
ولي : أذهب
وين : اين

اولچي ( المتر الذي يستخدمه الخياطين )

كلمة اطرمبه تعني ( حنفيه . بوري مالت الماء )
بستوگه تعني دبة الطرشي وتصنع من الفخار

التنكه مالت النفط

بلابوش ؟ تعني يطبك مرض بتعبير اخر البلاء والعياذ بالله

يطبك طوب يصيبك مكروه ( يعني واني شنو )

قزرقط هههههه متاكد مو هوايه يعرفوه بس نكول ومعناه العصبه التي تلبسها الملايه هاي الي تصيح حو حو هههههه
بالقرايات مال اللطم

وزهر مر ( الزهر الذي هو السم الذي يصيدون به الاسماك

قولن جزرتهم يا اخوان ضحكت ........ وتعني نوع من انواع المرض القديم يعني الحسچ چاو چيو
الحوبه : المرأة الحوبه الي تنغط النوب تعال گول شنو المره الي تنغط ( يعني اتلج مو بيدها )
كثاويل : الاوساخ
القوله : الياخه مالت القميص او الدشداشه
فنصه : ومعناها البنت او المرأه التي يكون انفها ( خشمها ) صغير ومرفوع للأعلى .
الدنه : ومعناها المرأه اللي لا تحل ولا تربط لا هده ولا رده ههههههههههه مع احترامي للجميع .
العوبه : ومعناها المرأه التي تستيقظ من النوم في وقت متاخر يعني الساعة ( 13 ) الظهر .
المسحسل : الشخص التعبان لكثرة مشاغل حياته وكثير النسيان يعني ( امطفي + طرن )
چرچوبه : اطار الباب
تنگه : ومعناها القاروره
خشه : ومعناه صاحب الفم الكبير هههههههه خو ماكو شئ
البلاجم : ومعناها صاحب او صاحبة الشفاه الكبيرة .
العگد : ومعناها رأس الفرع
تيغه : ومعناها ستار السطح يعني الحائط .
باد كير : التهويه في اعلى البيت
رازونه : الميز او الطاوله التي تكون في الشباك : الشباچ
بد گونيه : زاوية الغرفه على شكل مثلث .
مسنايه : ويراد بها حافة الشط
فسنجون : اكله عجمية .
محروگ اصبعه : اكلة المثرودة العراقية .
خميعه : اكله متكونه من الدهن الحر والخبز والحليب .
مصگعه : اكله متكونه من الباذنجان والدهن والخبز والرمان .
مسخنه : الاكله التي تتكون من الدجاج المشوي في سليفون الطبخ ومعه يكون السماگ
برمكي : الرجل الخوارده
الوير : ومعناها ادفع ا بمكانك فلوس اني ماعندي هههههههههه
كمبار : فراش الارض
الاوجاغ : المكان الذي يضعون عليه اغراض المقهى .
ينبز : يدخل روحه بما لا يعنيه .
امشي ولي : اذهب من هنا واحنه نگول اشطح خشمگ امضايقني .
الجاده : الشارع .
طرمه او الطارمه : ومعناها مقدمة البيت او مجال قبل باب الحوش .
منگاش : ملقط
قلونيه : نوع من انواع العطر
يهمبل : الرجل الي يدعي بها انه بس هو يعني يزامط .
صونده : خرطوم الماء
مقرباز : يضحك على العالم
برداغ : يعني گلاص : قدح
تتن : تبغ
سطل : دلو
گلن : دبة الماء او الجگ
چوله : ومعناها الذي يسخنون عليها الشاي او الطعام .
كوشه : مندر
لب غراش : مبروش
ليفه : الذي يستحمون بها لاجل تنظيف الجسم
تشلبهه : ومعناها صعد الى الاعلى .
گنيبره : الاعشاب الطبية
بريمز : يستخدم لتسخين الماء في قديم الزمان بدلا عن الگيزر السخان . وين اتصرف النه هاي لا يابه ههههههه
بيتونه : قمة البيت التي تكون في اعلى البيت .
گولتن : اي قول كذا
بشكير : منشفه : خاولي : ايضا منشفه .




م
ن
ق
و
ل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moon89.ahlamuntada.com
الشمريه
قمرذهبي
قمرذهبي
avatar

انثى
عدد الرسائل : 776
العمر : 38
العمل/الترفيه : حاليا ام لفراس هههههههههه
المزاج : رضا من رب العالمين
السٌّمعَة : 0
تاريخ التسجيل : 23/09/2008

مُساهمةموضوع: رد: مصطلحات عراقية نستخدمها- حاول تجمع كلماتك وتضيفها   الأربعاء نوفمبر 05, 2008 2:02 am

ههههههههه اكو مصطلحات اول مره اسمع بيها ههههههههههههههه مشكوره
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعة شوق
قمرذهبي
قمرذهبي
avatar

انثى
عدد الرسائل : 2758
العمر : 38
العمل/الترفيه : عطاله بطاله اسوى الولد وجعابه
المزاج : يروحلي فدوه مزاجي هعهعهعهعهعهع
السٌّمعَة : 1
تاريخ التسجيل : 16/09/2008

مُساهمةموضوع: رد: مصطلحات عراقية نستخدمها- حاول تجمع كلماتك وتضيفها   الأربعاء نوفمبر 05, 2008 1:06 pm

ههههههههههههههههههههههههع نورتي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moon89.ahlamuntada.com
أبن بغداد الرشيد
المدير العام
المدير  العام
avatar

ذكر
عدد الرسائل : 211
العمر : 29
العمل/الترفيه : طالب
المزاج : مالكم علاقة بيه
السٌّمعَة : 0
تاريخ التسجيل : 13/09/2008

مُساهمةموضوع: رد: مصطلحات عراقية نستخدمها- حاول تجمع كلماتك وتضيفها   الأربعاء نوفمبر 05, 2008 1:48 pm

هههههههههههههههههههههههههههههههههههههههههههههههههههههههه
ههههههههههههههههههههههههههههههههههههههههههههه
ههههههههههههههههههههههههههههه

تخرب ضحك

تسلمين سونه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moon89.ahlamuntada.com
نسمه امل
قمرذهبي
قمرذهبي
avatar

انثى
عدد الرسائل : 1178
العمر : 37
العمل/الترفيه : تخصص الم وجروح
المزاج : سيئ للغايه
السٌّمعَة : 0
تاريخ التسجيل : 05/10/2008

مُساهمةموضوع: رد: مصطلحات عراقية نستخدمها- حاول تجمع كلماتك وتضيفها   الأربعاء نوفمبر 05, 2008 2:57 pm

ههههههههههههههههههههه
اكثرها ما فهتمها ؟؟؟؟؟؟؟؟؟؟؟

يسلمووووووووووو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
دمعة شوق
قمرذهبي
قمرذهبي
avatar

انثى
عدد الرسائل : 2758
العمر : 38
العمل/الترفيه : عطاله بطاله اسوى الولد وجعابه
المزاج : يروحلي فدوه مزاجي هعهعهعهعهعهع
السٌّمعَة : 1
تاريخ التسجيل : 16/09/2008

مُساهمةموضوع: رد: مصطلحات عراقية نستخدمها- حاول تجمع كلماتك وتضيفها   الأربعاء نوفمبر 05, 2008 6:55 pm

يي ولج مصطلحات عراقيه هاي نص العراقين ما يفهمون بعض
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://moon89.ahlamuntada.com
 
مصطلحات عراقية نستخدمها- حاول تجمع كلماتك وتضيفها
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
ضوء القمر :: قسم الترفيه :: منتدى استراحة الاعضاء-
انتقل الى: